4ڈاکو شہریوں کے ہتھے چڑھ گئے، چھترول کے بعد حوالہ پولیس

 چوک سرورشہید،اڈاپل 14 (نامہ نگار) 4ڈاکو شہریوں کے ہتھے چڑھ گئے، چھترول کے بعد حوالہ پولیس چوک سرور شہید سے نامہ نگارکے مطابق رنگپور روڈ پر پرانی چونگی کے قریب اکرم اینڈکوآڑھت و ڈیزل پٹرول ایجنسی سے کار سوار 2  ڈاکو رات 2:30 بجے کے قریب  سیکورٹی گارڈ سے بندوق چھین کر تشدد کا نشانہ بنایا اور سیف الماری سے5 لاکھ روپے زبردستی اٹھائی اورکار میں سوار ہوکر فرار ہوگئے ۔کافی لوگ جمع ہوئے اور ڈاکوئوں کا پیچھا کرکے اڈہ شبیر آباد کے قریب پکڑلیا اور خاصی چھترول کے بعد پولیس کے حوالے کردیا گیا ۔  اورگرفتار ملزمان نے ضلع بھر میں لاکھوں روپے مالیت کی چوری اور ڈکیتی کی درجنوں وارداتوں کا اعتراف کرلیا ہے ۔ جس میں حاجی عبدالستار چوہدری کے پولٹری کنٹرول شیڈ پر 14لاکھ روپے فور کور تار اور جنریٹر کی چوری بھی شامل ہے۔اڈاپل 14 سے نامہ نگار کے مطابق جہانیاں نیو کالونی  میں2موٹر سائیکل پر سوار 4 ڈاکوؤں حکیم رشید کے گھر داخل ہوئے اور گھر میں موجود خواتین  کے کانوں سے بالیاں اتار لیں۔خواتین کی مزاحمت پر ڈاکوؤں نے بلیٹ مار کر 2 خواتین کو زخمی کر دیا۔ خواتین کی چیخ و پکار کر اہل محلہ نے 2 ڈاکوؤں کو پکڑ لیااور ان کے ساتھی 2 ڈاکوؤں  فائرنگ کرتے ہوئے فرار ہو گئے پولیس تھانہ جہانیاں موقع پر پہنچ کر ڈاکوؤں کو اپنی حراست میں لیا۔جبکہ فرار ہونے والے ڈاکوؤں کی گرفتاری کے لئے چھاپے مارے جارہے ہیں۔