سکس ریڈ اسنوکر ورلڈ کپ میں پاکستانی کیوئسٹس کا فاتحانہ آغاز

دوحہ(یواین پی)سکس ریڈ اسنوکر ورلڈ کپ میں دونوں پاکستانی کیوئسٹس نے فاتحانہ آغاز کرتے ہوئے اپنے ابتدائی میچز جیتنے کا اعزاز حاصل کرلیا ایونٹ کے پہلے روز بابر مسیح نے بھارتی حریف اشپریت سنگھ چڈھا کو پانچ،صفر سے ٹھکانے لگا دیا۔ دوسرے پاکستانی حارث طاہر نے اومان کے حسین الاواتی کیخلاف ابتدائی دو فریمز جیتنے کے بعد اگلے دو فریمز گنوا دیئے مگر انہوں نے لگاتار تین فریمز میں کامیابی کی بدولت دو کے مقابلے میں پانچ فریمز سے کامیابی یقینی بنا لی۔