حافظ آباد:رکشہ درخت سے ٹکراگیا ،سوار جاں بحق،2 زخمی

حافظ آباد(نمائندہ نوائے وقت+نمائندہ خصوصی+نامہ نگار) محلہ پیر کالے شاہ کار ہائشی محمد ساجد رکشہ میں بیٹھ کر کالیکی جارہا تھا کہ راستہ میں رکشہ تیز رفتاری کے باعث درخت سے ٹکراگیا جس کے نتیجہ میں ساجد سمیت تین افراد شدیدزخمی ہوگئے جنھیں ہسپتال لیجایا گیا جہاں ساجدزخموںکی تاب نہ لاتے ہوئے دم توڑ گیا۔ دریں اثناء عمر فاروق ولد محمد یعقوب سکنہ ڈھینگرانوالی جو سبزی منڈی میں فروٹ کا کام کرتاہے وہ اپنے ساتھیوں عثمان اور ملک وہاب کے ہمراہ موٹر سائیکل پر آرہا تھا کہ محلہ رشید پورہ کے قریب انہیں ملزمان وقاص، علی ٹائیگر،وقار احمدمبینوغیرہ نے روک کر ڈنڈے سوٹوں سے تشددکا نشانہ بنایا جس سے وہ زخمی ہوگئے ۔پولیس نے 13افراد کے خلاف مقدمہ درج کرلیا۔