کلرکہار (نامہ نگار) موٹروے پر سالٹ رینج میں خوفناک حادثے میں 2 بچوں سمیت 4 افراد جاں بحق جبکہ 8 زخمی ہو گئے، 3 کی حالت تشویشناک ہے۔ موٹروے پر حادثہ سالٹ رینج میں ٹرالر کی بریک فیل ہونے کی وجہ سے پیش آیا، ٹرالر میں ایک ہی فیملی کے افراد تھے جو راولپنڈی سے گوجرہ جا رہے تھے، تمام افراد سرکس میں کام کرتے تھے اور راولپنڈی سے گوجرہ میلے پر جا رہے تھے۔ موٹروے پولیس اور ریسکیو 1122 نے تمام مریضوں اور جاں بحق افراد کو ٹراما سنٹر ہسپتال کلرکہار منتقل کر دیا ہے۔