کوئٹہ:مین ہولز کے ڈھکن غائب، حادثات معمول بن گئے 

کوئٹہ (آن لائن) صوبائی دارالحکومت کے مختلف علاقوں کے اکثرمین ہولز کے ڈھکن نہ ہونے کی وجہ سے حادثات رونما ہونا معمول بن گئے،کئی سائیکل و موٹرسائیکل سوار زخمی بھی ہوچکے ہیں۔ تفصیلات کے مطابق کوئٹہ کی متعدد شاہراہوں سڑکوں کے درمیان و اطراف میں اکثر مین ہولز کے ڈھکن نہیں جسکی وجہ سے حادثات ہونا معمول بن گیا جبکہ کئی مقامات پر سائیکل و موٹرسائیکل سوار زخمی بھی ہوئے ہیںعوامی و سماجی حلقوں  کے مطابق  شہر کے اکثر وسطٰی و نواحی علاقوں کے مین روڈ ز گلیوں سڑکوں میں مین ہولز کے ڈھکن نہ ہونے کی وجہ سے ٹریفک حادثات رونما ہونا معمول بن گئے ہیں رات کے وقت اندھیرا ہونے کی وجہ سے اکثرسائیکل و موٹرسائیکل سوار اور پیدل چلنے والے مین ہولز کہ زد میں آکر زخمی ہوئے ہیں عوامی و سماجی حلقوںنے متعلقہ حکام کی توجہ اس اہم مسئلہ کی جانب مبذول کراتے ہوئے مطالبہ کیا کہ فی الفور مین ہولز میں ڈھکن نصب کیے جائیں ۔