لاہور(نامہ نگار)پیپلز پارٹی لاہور کے سابق ڈپٹی جنرل سیکرٹری ملک امجدا عوان نے کہا ہے کہ مہنگائی سے نجات کیلئے عوام سراپااحتجاج ہیں ہوشربا مہنگائی کیخلاف طبل جنگ بج چکا ہے۔بجلی کے بل اس وقت عوام پر ایک بجلی بن کر گررہے ہیں اور ان بے جا بجلی کے بلوں کی وجہ سے اس وقت گھر، گھر لڑائی جھگڑے شروع ہو گئے ہیں بجلی کے بلوں کی وجہ سے لاچار عوام کی جانب سے خودکشی جیسے دلخراش واقعات کی خبریں بھی سامنے آنا شروع ہو گئی ہیں۔