حضور سب جہانوں کیلئے رحمت بن کر تشریف لائے: مفتی رمضان سیالوی

لاہور (خصوصی نامہ نگار) جامع مسجد دربار حضرت داتا گنج بخش کے خطیب مفتی محمد رمضان سیالوی نے کہا ہے کہ حضور نبی کریم ﷺ سب جہانوں کیلئے رحمت بن کر تشریف لائے۔ آپ کے اخلاق کریمانہ قیامت تک انسانوں کیلئے کامل نمونہ ہیں۔ ماہ مبارک ربیع الاول حضور کی اس دنیا میں تشریف آوری کا مہینہ ہے۔ اس بات میں کوئی شک نہیں آپ ﷺ اللہ تعالیٰ کی نعمت عظمیٰ اور انسانیت پر احسان عظیم ہیں۔ اس لئے اس نعمت پر شکر ادا کرنا بھی لازم ہے۔ فرزندان اسلام بھرپور طریقے سے جشن میلاد منائیں اور اس کے ساتھ ساتھ سنتوں پر عمل پیرا ہونے کا اہتمام بھی کریں۔