ساہیوال: رشتہ کے تنازعہ پر جھگڑا‘ 2 افراد قتل

ساہیوال (نمائندہ نوائے وقت) دوہرے قتل کی واردات ہوئی ہے۔ معمولی لڑائی جھگڑے اور رشتہ کے تنازع پر 2 افراد کو قتل کردیا گیا‘ مقدمہ درج کر لیا گیا۔ قتل کی واردات محلہ نور پارک میں ہوئی۔ معمولی لڑائی جھگڑے کی رنجش پر محمد شفیق‘ محمد بشیر‘ محمد نذیر اور محمد صغیر عرف چھگی نے دلدار حسین اور محمد تنویر کو پکڑ کر چھریاں مار کر دونوں کو قتل کر دیا اور فرار ہو گئے۔