لاہور(سپورٹس رپورٹر)یوایم ٹی مارخورز نے کامران غلام کی سنچری کی بدولت بحریہ ٹاؤن چیمپئنز ون ڈے کپ کے چھٹے میچ میں اینگرو ڈولفنز کو 92  رنز سے ہرادیا۔ ٹورنامنٹ میں مارخورز کی تیسری کامیابی ہے۔کامران غلام پلیئر آف دی میچ قرار پائے۔ڈولفنز کے کپتان سعود شکیل نے ٹاس جیت کر مارخورز کو بیٹنگ دی ‘ٹیم نے 9 وکٹوں پر 284 رنزبنائے۔ڈولفنز کی ٹیم 43.5 اوورز میں 192بناکر آؤٹ ہوگئی۔ کامران غلام اور کپتان محمد رضوان نے تیسری وکٹ کی شراکت میں 122 رنز کا اضافہ کیا۔ کامران غلام نے 113 رنز بنائے۔یہ ٹورنامنٹ میں ان کی دوسری سنچری ہے۔اتواں میچ آج ڈولفنز اور سٹالیئنز کے درمیان کھیلا جائیگا۔