لاہور(سپورٹس رپورٹر)پاکستان نے دوسرے ویمنز ٹی ٹونٹی میچ میں جنوبی افریقی خواتین کو13رنز سے شکست دیکر سیریز 1-1 سے برابر کردی۔ پروٹیز ٹیم 182 رنز کے تعاقب میں 4 وکٹوں پر 168 رنز بناسکی ۔ فیصلہ کن مقابلہ کل ہوگا۔پاکستان ویمنز ٹیم نے 4 وکٹوں پر181 رنز بنائے۔ منیبہ علی 45 اور کپتان فاطمہ ثنا 37 رنز بناکر نمایاں رہیں، ندا ڈار نے 29 اور سدرہ امین نے 28 رنز سکور کیے۔پروٹیز ٹیم 4 وکٹوں پر 168 رنز بناسکی۔سونے لوئوس 53رنز بناکر نمایاں رہیں ۔ منیبہ علی کو پلیئر آف دی میچ قرار دیا گیا۔پاکستان نے ٹی20 انٹرنیشنل میں اپنا سب سے بڑاٹوٹل بنایا۔پاکستان اور جنوبی افریقہ کی ویمنز ٹیموں کے درمیان سیریز کے دوسرے میچ کے دوران ٹی ٹونٹی  ٹرافی کی نمائش کی گئی ۔ دونوں کپتانوں نے ٹرافی کی رونمائی کی اور تصاویر بنوائیں ۔