لاہور(سٹاف رپورٹر)سٹی ٹریفک پولیس نے شہر کی متعدد شاہراہوں پر بغیر ہیلمٹ موٹرسائیکل سواروں کا داخلہ بند کر دیا۔ سی ٹی او لاہور عمارہ اطہر نے کہا کہ حادثات کے سدباب اور محفوظ سفر کے پیش نظر بڑا اقدام اٹھاتے ہوئے شہر کی متعدد شاہراہوں پر بغیر ہیلمٹ موٹرسائیکل سواروں کا داخلہ بند کیا گیا ہے ، موٹرسائیکل سواروں کے پاس ہیلمٹ ہوگا تو ہی سفر کرنا ممکن ہوگا۔ مال روڈ،جیل روڈ، فیروزپور روڈ، کینال روڈ، مین بلیوارڈ ،شوق چوک شوکت خانم، شانو بابا، لیک سٹی، اڈا پلاٹ، عبدالستار عیدی روڈ پر پر خصوصی چیک پوائنٹس قائم کیے گئے ہیں۔