لاہور(سٹاف رپورٹر)انسپکٹر جنرل پولیس پنجاب ڈاکٹر عثمان انو رنے 12 ربیع الاول جشن عید میلاد النبی ؐکے جلوسوں، ریلیوں اور محافل کے پْرامن انعقاد، بہترین سکیورٹی اور ٹریفک انتظامات پر لاہور سمیت پنجاب پولیس کو شاباش دی ہے۔انہوں نے کہاکہ بہترین ٹیم ورک کے ذریعے فول پروف سکیورٹی یقینی بنائی گئی۔  علما کرام، امن کمیٹی، شہریوں، میڈیا کی طرف سے بھرپور تعاون اور ذمہ داری کا مظاہرہ کیا۔ لاہور کے گنجان آباد علاقوں میں زیر تعمیر 22 سمارٹ پولیس سٹیشنز تیزی سے تکمیل کی جانب گامزن ہیں۔  مجموعی طور پر 99 پولیس سٹیشنز مختلف اضلاع میں زیرتعمیر ہیں،  صوبہ بھر میں 39 سمارٹ پولیس سٹیشنز بھی تیزی کیساتھ تکمیل کی جانب گامزن ہیں۔