لاہور(خصوصی نامہ نگار)26سالانہ شان مصطفیؐ کانفرنس و عالمی محفل قرات جامع مسجد مولانا احمد علی لاہوری اچھرہ لاہور میں ہوئی۔ کانفرنس میں ہزاروں عاشقان رسول نے شرکت کی۔ کانفرنس کی میزبانی عالمی مجلس تحفظ ختم نبوت لاہور کے ناظم اعلیٰ مولانا قاری علیم الدین شاکر اور حافظ نعیم الدین شاکر نے کی۔ مولانا ڈاکٹر میاں اجمل قادری، مولانا عبد الرحمان، قاضی مطیع اللہ و دیگر علماء نے سیر ت النبیؐ اور آپ کے وصف خاص عقیدہ ختم نبوت پر روشنی ڈالی۔ معروف نعت خواں حافظ منیر خان ، طاہر بلال چشتی گلہائے عقیدت پیش کیے۔