ن لیگ عوامی ترقی ‘ خوشحالی کیلئے اقدامات کر رہی ہے :جاوید لطیف 

شیخوپورہ (نامہ نگارخصوصی) مرکزی انجمن تاجران کے نائب صدر اکبر علی چوہان کی طرف سے عیدمیلاد النبی ؐ کے موقع پر چوک جناح پارک میں کیک کاٹا گیا تقریب کی صدارت سابق وفاقی وزیر میاں جاوید لطیف نے کی اس موقع پر سابق رئیس بلدیہ وہیلتھ کوآرڈی نیٹر میاں امجد لطیف ،سابق چیئرمین مارکیٹ کمیٹی ملک پرویز اقبال ، سٹی صدر میاں منور اقبال ، ملک محمود طاہر، شفاعت علی چوہان، بابر عبداللہ ،اشفاق احمدسمیت معززین کی بڑی تعداد نے شرکت کی اس موقع پر گفتگو کرتے سابق وفاقی وزیر میاں جاوید لطیف نے کہا کہ مشکل ترین حالات کے باوجود بھی مسلم لیگ (ن) پاک وطن کی خودمختاری ،عوامی ترقی اور خوشحالی کیلئے عملی اقدامات کر رہی ہے۔ وزیراعلیٰ پنجاب نے گراس روٹ لیول تک ترقی کے عمل کو یقینی بنانے کیلئے جو پالیسیاں ترتیب دی ہیں اس کے ثمرات عوام تک منتقل ہوناشروع ہوگئے ہیں ۔