کئی وارداتیں‘چوہنگ میں ڈاکو گھر سے ایک کروڑ 20لاکھ روپے کا سامان لیکر فرار

لاہور(سٹاف رپورٹر)شہر کے مختلف علاقوں میں چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی،طلائی زیورات، موبائل فون‘موٹر سائیکلوں اور گاڑیوں سمیت دیگر سامان لوٹ لیا گیا۔چوہنگ میں چور سارے گھر کا صفایا کر گئے‘ چور گھر میں داخل ہوئے اور 1کروڑ 20لاکھ روپے سے زائد کا سامان لوٹ کر فرار ہو گئے۔ متاثرہ شہری کا کہنا تھا کہ ملزموں نے ملکی و غیرملکی کرنسی، جیولری اور قیمتی گھڑیاں چوری کیں، واردات کے دوران چور گھر میں لگے کیمروں کی ریکارڈنگ بھی ساتھ لے گئے۔ اسلام پورہ میں خلیل سے 2لاکھ 40ہزار اور موبائل فون‘بادامی باغ میں ہاشم سے 2لاکھ 15ہزار ‘ موبائل فون‘ ستوکتلہ میں اردوباز سے 2لاکھ ‘ موبائل فون‘شمالی چھائونی میں نصراللہ سے ایک لاکھ 97 ہزار ‘ موبائل فون‘ قلعہ گجر سنگھ میں افضل سے1 لاکھ 80 ہزار‘ موبائل فون‘ نصیر آباد میں گلزار سے 1لاکھ75 ہزار‘ موبائل فون‘ نشترکالونی میں اشتیاق سے 80ہزار‘ موبائل فون دیگر سامان لوٹ لیا گیا۔غازی آباد ‘ کاہنہ سے گاڑیاں جبکہ گڑھی شاہو سول لائنز اور فیکٹری ایریا سے موٹرسائیکلیں چوری ہو گئیں۔