نارووال (نامہ نگار) بیساکھی میلے کے موقع پر بھارت سے دربار صاحب کرتار پور آئے ہوئے 1250 سکھ یاتریوں نے بابا جی گورو نانک کے دربار پر حاضری دی۔ بھارت سے آئے سکھ یاتریوں کی دربار کرتار پور آمد پر ضلع بھر میں سکیورٹی کے انتہائی فول پروف انتظامات کیے گئے تھے۔ سکھ یاتریوں کے جتھے کی قیادت امریکھ سنگھ کر رہے تھے سکھ یاتریوں نے دربار صاحب کرتار پور میں حاضری دی اور مذہبی رسومات ادا کیں۔ اس موقع پر سکھ یاتریوں کا کہنا تھا کہ انہیں پاکستان آ کر بہت خوشی ہوئی ہے۔ انہوں نے پاکستان میں موجود سکھوں کی عبادت گاہوں تک ان کی رسائی اور حفاظت پر حکومت کا شکریہ ادا کیا۔