گوجرخان (آن لائن)گوجرخان میں نوجوان نے فائرنگ کر کے 3 دوستوں کو قتل کر دیا ،ملزم کے خلاف مقدمہ درج کر کے گرفتار کر لیا گیا ہے۔پولیس کے مطابق گوجرخان کے علاقے وارڈ نمبر 11 میں شہباز نامی نوجوان نے 3 نوجوانوں کو قتل کر دیا۔ ہلاک افرادکی شناخت بدرعلی،عبدالرحمٰن اور محمدعمرکے نام سے ہوئی۔پولیس کا کہنا تھا ملزم اور قتل ہونے والے تینوں نوجوان دوست تھے اور عمر نامی نوجوان کی ملزم کی بہن سے دوستی ہو گئی تھی ۔ ملزم کے منع کرنے کے باوجود بھی عمر نے ملزم کی بہن سے رابطہ ختم نہیں کیا۔ملزم نے طیش میں آکر تینوں دوستوں کو فائرنگ کر کے قتل کر دیا۔قتل ہونے والے نوجوانوں کی عمریں 19 سے 20 سال ہیں۔
گوجر خان / قتل