اقوام متحدہ میں تقریب، امن مشن کے دوران شہید7 پاکستانی فوجیوں کیلئے میڈل دیا گیا

نیویارک (نوائے وقت رپورٹ) آئی ایس پی آر کے مطابق عالمی امن مشن کے دوران شہید سات پاکستانی اہلکاروں کیلئے اقوام متحدہ میڈل دیا گیا شہدا کے لئے اقوام متحدہ میڈل کی تقریب یو این ہیڈکوارٹرز نیویارک میں ہوئی۔ اقوام متحدہ کے سیکرٹری جنرل تقریب کے مہمان خصوصی تھے، فرائض کی ادائیگی میں جان کا نذرانہ دینے والے پاکستانی اہلکاروں کو خراج عقیدت پیش کیا گیا۔ اقوام متحدہ میڈل حاصل کرنے والوں میں شہید نائیک قیصر عباس، سپاہی یاسر عباس، سپاہی محمد اشتیاق عباسی، حوالدار ذیشان احمد، سپاہی حضرت بلال، نائیک عبدالغفور اور نائیک عطاء الرحمان شامل ہیں۔ اقوام متحدہ کے امن مشن میں اب تک 156 پاکستانی جوان شہید ہوئے جن پر فخر ہے۔