قومی ائیر لائن یونین ریفرنڈم ‘ پیپلزیونٹی گرینڈ الائنس نے میدان مار لیا

ملتان(نمائندہ نوائے وقت ) قومی ائیرلائن کی سی بی اے یونین کیلئے ریفرنڈم ملتان میں ہونے والی پولنگ میں پیپلز یونٹی گرینڈ الائنس نے۔ 111 ووٹ لیکر میدان مار لیا۔ مد مقابل ائیر لیگ۔ 48 ووٹ حاصل کر سکی۔ پیپلز یونٹی گرینڈ الائنس بھر پور طریقے سے اپنی جیت کا جشن منا رہے ہیں۔ پولنگ صبح نو بجے سے شام 5 بجے تک جاری رہی۔ پولنگ کے دوران ماحول مکمل طور پر پر امن رہا۔ 169میں سے 162 ووٹرز نے اپنا حق رائے دہی استعمال کیا۔پیپلز یونٹی رہنماؤں کے مطابق پیپلز یونٹی گرینڈالائنس کی فتح نے ثابت کردیا کی قومی ائیر لائن کی نجکاری کا فیصلہ غلط ہے۔