ماسٹرز اوپن،رافیل نڈال، فابیو فوگنینی اور میڈویڈو مونٹی کارلوکوارٹر فائنل میں پہنچ گئے

مونٹی کارلو(آئی این پی)سپین کے بین الاقوامی شہرت یافتہ ٹینس سٹار اور عالمی نمبر دو رافیل نڈال، اٹلی کے فابیو فوگنینی اور روس کے میڈویڈو اپنی پیش قدمی کو جاری رکھتے ہوئے مونٹی کارلو ماسٹرز اوپن ٹینس ٹورنامنٹ مینز سنگلز کوارٹر فائنل میں پہنچ گئے ۔فرانس میں جاری ایونٹ میں کھیلے گئے مینز سنگلز پری کوارٹر فائنل میچ میں ہسپانوی ٹینس سٹار رافیل نڈال نے انتہائی شاندار کھیل پیش کرتے ہوئے بلغاریہ کے حریف کھلاڑی گریگور ڈیمٹرو کو سٹریٹ سیٹس میں 6-4 اور 6-1 سے زیر کر کے ایونٹ کے کوارٹر فائنل کیلئے کوالیفائی کر لیا۔اٹلی کے فابیو فوگنینی نے بھی اپنی عمدہ کارکردگی کی بدولت پری کوارٹر فائنل مرحلہ عبور کر لیا۔ انہوں نے پری کوارٹر فائنل میچ میں جرمنی کے الیگزینڈر زیویرو کو 7-6(8-6) اور 6-1 سے ہرا کر ایونٹ کا کوارٹر فائنل کھیلنے کا اعزاز حاصل کرلیا۔ ایک اور میچ میں روس کے میڈویڈو نے سخت مقابلے کے بعد حریف یونانی کھلاڑی سٹیفانوس کو مات دیکر ایونٹ سے باہر کر دیا۔ انہوں نے پری کوارٹر فائنل میچ میں فتح کا سکور 6-2، 1-6 اور 6-4 تھا۔