کراچی (وقائع نگار)پی پی پی شعبہ خواتین کی مرکزی صدر و ایم پی اے فریال تالپور نے ویکسین کی دوسری خوراک لگوالی ،فریال تالپور نے محکمہ صحت کی جانب سے کراچی آرٹس کونسل میں قائم ویکسینیشن سینٹر پہنچ کر ویکسینیشن کروائی،فریال تالپور نے کووڈ-19 سے بچاوَ کی ویکسین کا پہلی خوراک گذشتہ ماہ 29 مارچ کو لگوائی تھی، فریال تالپورنے کہاکہ 50 سال سے زائد عمر کے شہری ویکسینیشن کروائیں، جو مفت فراہم کی جارہی ہے، اس موقع پر صوبائی وزیر سہیل انور سیال، ایم پی ایز قاسم سراج سومرو اور سعدیہ جاوید، اور کراچی آرٹس کاوَنسل کے صدر احمد شاہ بھی موجود تھے۔