لاہور (اپنے نامہ نگار سے) لاہور ہائیکورٹ کے جسٹس جواد حسن نے حلقہ بندیوں کی غیرحقیقی تقسیم اور دیگر قانونی پیچیدگیوں کی بناء پر سیالکوٹ سمیت سترہ اضلاع میں دو ماہ بعد ہونے والے بلدیاتی الیکشن کے جاری کردہ شیڈول پر حکم امتناعی جاری کردیا۔ عدالت نے 25 اپریل تک الیکشن کمشن سے تحریری جواب طلب کرلیا۔ عدالت کے روبرو دلائل میں وکیل نے کہا کہ  الیکشن ایکٹ 2017  اور لوکل گورنمنٹ آرڈیننس کے قواعد و ضوابط کی خلاف ورزی  کی گئی، ضلع سیالکوٹ میں پہلے مرحلے کے انتخابی شیڈول جاری کردیا گیا ہے اگر حکم امتناعی جاری نہ کیا گیا تو درخواست بے معنی ہوجائے گی۔
حکم امتناعی