لاہور(سپورٹس رپورٹر) دورہ یورپ کیلئے پاکستانی ہاکی ٹیم کے 20 رکنی سکواڈ کا اعلان آج ہوگا۔ سیکرٹری ہاکی فیڈریشن آصف باجوہ نے کہا  ہے کہ کھلاڑیوں کے پاسپورٹس اور ویزا کا پراسس مکمل ہوگیا ہے تاہم ابھی تک کسی کھلاڑی کی ویزا درخواست مسترد ہونے کی کوئی اطلاع نہیں۔ اگر کوئی ایشو بنا تو متبادل انتظامات کیے جاسکتے ہیں۔صدر پی ایچ ایف خالد سجاد کھوکھر کی منظوری کے بعد 20 رکنی ٹیم کا اعلان کیا جائے گا جبکہ قومی ٹیم کی یورپ روانگی 22 اپریل کو طے ہے۔ ذرائع کا کہنا ہے کہ چیف سلیکٹر منظور جونیئر اپنے عہدے سے مستعفی ہوگئے ہیں۔ سیکرٹری پی ایچ ایف کا کہنا ہے کہ اس معاملے پر بھی موقف ٹیم کے اعلان کے وقت دیا جائیگا۔