لندن (آئی این پی)ویمنز یورپی چیمپیئن شپ میں انگلینڈ کے تین گروپ میچز اور ویمبلے میں ہونے والے  فائنل کے ٹکٹس فروخت ہو چکے ہیں۔واضح رہے کہ ویمنز یورو چمپئینز لیگ 2022کا ایونٹ انگلینڈ میں جولائی کے مہینے میں منعقد ہونے جا رہا ہے۔مانچسٹر یونائیٹڈ کا اولڈ ٹریفورڈ فٹ بال اسٹیڈیم 6 جولائی کو ویمنز یورو چمپئینز لیگ 2022افتتاحی تقریب کی میزبانی کر رہا ہے، جس کے بعد انگلینڈ آسٹریا کے خلاف 73,200 گنجائش والے اسٹیڈیم میں ہوگا۔اس کے بعد 30,000سے زیادہ شائقین انگلینڈ کو برائٹن میں ناروے اور ساتھمپٹن میں شمالی آئرلینڈ کے خلاف کھیلتے دیکھیں گے۔ویمنز یورو چمپئینز لیگ 2022کا فائنل  مشہور فٹ بال اسٹیڈیم ویمبلے میں ہو گا، انگلینڈ میں خواتین کے فٹ بال میچ میں حاضری کا ریکارڈ توڑنے کے لیے تیار ہے۔موجودہ ریکارڈ لندن 2012اولمپکس کا فائنل ہے جب امریکہ نے جاپان کو 80,203 تماشائیوں کے سامنے شکست دی تھی۔یورو ویمبلے فائنل کے تمام 87,200ٹکٹ فروخت ہو چکے ہیں۔انگلینڈ کی خواتین فٹ بال ٹیم پہلی بار 2014 میں نئے ویمبلے اسٹیڈیم میں کھیلی جب انہوں نے دوستانہ میچ میں جرمنی کی میزبانی کی۔اس کے علاوہ انگلینڈ نے صرف 2021 میں اسٹیڈیم میں اپنا پہلا مسابقتی میچ کھیلا، جو کہ شمالی آئرلینڈ کے خلاف ورلڈ کپ کوالیفائر تھا۔