یونس آباد پریمیئر لیگ کرکٹ ٹورنامنٹ خالد ایس آر ای سینیئر نے جیت لیا

کراچی (اسپورٹس رپورٹر)یونس آباد پریمیئر لیگ نائٹ کرکٹ ٹورنامنٹ کا فائنل بھٹ ایوینجرز الیون اور خالد SRE سینیئر کے درمیان کھیلا گیا۔ سنسنی خیز مقابلے بعد خالد SRE سینیئر نے چھ وکٹوں سے بھٹ ایوینجرز کو شکست دیکر فائل جیت لیا۔فشرمین کوآپریٹیو سوسائٹی FCS کے ایڈمنسٹریٹر زاہد ابراہیم بھٹی فائنل کے مہمان خصوصی تھے۔اولمپیئن جج علی اکبر شاہ قادری نے زاہد ابراہیم بھٹی،جاموٹ فیصل یونس,ممتاز ماہر تعلیم سلیم اللہ ،انٹرنیشنل باکسنگ کوچز عبدالمجید بروھی,خان محمد بلوچ،انٹرنیشنل گولڈ میڈلسٹ باکسر عبدالمجید سمیت ماھیگیر نوجوانوں بزرگوں کا شکریہ ادا کیا۔ایڈمنسٹریٹر FCSنے ٹورنامینٹ کے شاندار انعقاد پر سیکریٹری شہریار شاہ شیری اور انکی ٹیم کو مبارکباد دی ۔فائنل کے اختتام پر ونر اور رنر اپ ٹیموں کو گولڈ اور سلور میڈلز پہنائے گئے جبکہ بیسٹ با ئولر و بیسٹ بیٹسمین کا انعام با لترتیب کرکٹر دائود اور شارق نے حاصل کیا۔ آخر میں خالد SRE سینئر کو ونر ٹرافی بمعہ کیش جبکہ بھٹ ایونجرز کو رنر اپ ٹرافی بمعہ کیش دیا گیا۔علی اکبر شاہ نے  مہمان خاص زاہد ابراہیم بھٹی کو سندھی اجرک کے ساتھ ٹورنامینٹ کی یادگار شیلڈ پیش کی۔