مکی آرتھر کی قومی ٹیم سے ملاقات‘ بابر اعظم سے پلاننگ پر مشاورت

لاہور(سپورٹس رپورٹر ) قومی کرکٹ ٹیم کے ڈائریکٹر کوچنگ مکی آرتھر کی قومی کرکٹ ٹیم سے ملاقات ، مکی آرتھر نے کپتان بابر اعظم سے بھی مستقبل کی پلاننگ پر مشاورت بھی کی۔پاکستان آمد کے بعد مکی آرتھر نے اسلام آباد میں نیوزی لینڈ کیخلاف سکواڈ میں شامل قومی کرکٹ ٹیم کے کھلاڑیوں سے ملاقات کی جس میں نیوزی لینڈ کیخلاف جاری سیریز پر کھلاڑیوں کی پرفارمنس پر بھی بات چیت کی گئی ۔ قومی ٹیم کے ڈائریکٹر کوچنگ نے کھلاڑیوں کیساتھ مختلف سیشن کئے ۔ مکی آرتھر نے مستقبل کی پلاننگ سے بھی کھلاڑیوں کو آگاہ کیا ۔مکی آرتھر نجم سیٹھی سے بھی ملاقات کرینگے جس میں وہ اپنے معاملات کو حتمی شکل دینگے ۔مکی آرتھر نے کپتان بابر اعظم سے ملاقات کے دوران ٹیم کو درپیش چیلنجز سے نمٹنے کیلئے حکمت عملی سے متعلق بات چیت کی اور کھلاڑیوں کی کارکردگی میں مزید بہتری کیلئے مختلف تکنیکی معاملات پر تبادلہ خیال کیا۔ وہ کرکٹ بورڈ حکام سے بھی ملاقات کریں گے۔ مکی آرتھر انگلش کاو¿نٹی ڈربی شائر سے فراغت کے بعد پاکستانی ٹیم کیلئے کل وقتی خدمات سر انجام دیں گے۔