ورلڈ اوپن سکواش‘ پاکستان ایک سال کے بعد ڈراز میں شامل  

لاہور(سپورٹس رپورٹر)ایک برس کی غیر حاضری کے بعد ایک بار پھر ورلڈ اوپن سکواش کے ایرینا میں پاکستان کی واپسی ہو رہی ہے، پاکستان کے جونیئر ورلڈ چیمپئن حمزہ خان کو ورلڈ اوپن سکواش کے مین ڈراز میں شامل کرلیا گیا ہے۔ورلڈ اوپن سکواش ایونٹ کے مین رائونڈ کا ڈرا زفائنل کرلیا گیا ہے جس میں پاکستان کے حمزہ خان بھی شامل ہیں، ورلڈ اوپن سکواش 9سے 18مئی تک مصر کے شہر قاہرہ میں ہوگی۔حمزہ خان نے گزشتہ برس ورلڈ جونیئر سکواش چیمپئن شپ جیت کر تاریخی کارنامہ انجام دیا تھا اور اس جیت کی بنیاد پر ہی انہیں ورلڈ اوپن میں جگہ ملی،حمزہ خان پہلے رائونڈ میں 10مئی کو سوئیزرلینڈ کے نکولز مولر سے مقابلہ کریں گے ۔خیال رہے کہ 2023ء میں پاکستان کا کوئی کھلاڑی ورلڈ اوپن سکواش میں شریک نہیں تھا جبکہ 2022ء میں عاصم خان نے چیمپئن شپ میں حصہ لیا تھا تاہم وہ پہلے ہی رائونڈ میں  ایونٹ سے باہر ہوگئے تھے۔