گوجرانوالہ (نیٹ نیوز) گوجرانوالہ میں پولیس اہلکار بھائی کے ساتھ بکرا چوری کرتے ہوئے پکڑا گیا۔ لوہیانوالہ کا رہائشی پولیس اہلکار وقاص اپنے بھائی عرفان کے ساتھ اروپ موڑ کے قریب ایک ڈیرے سے بکرا چوری کرتے ہوئے پکڑا گیا۔ دونوں بھائی بکرا چوری کرکے موٹرسائیکل پر فرار ہو رہے تھے کہ اہل علاقہ نے تعاقب کرکے دونوں کو پکڑ لیا اور ڈنڈوں سے پٹائی کر دی تاہم پولیس نے موقع پر پہنچ کر مشتعل ہجوم سے جان چھڑائی۔ دونوں بھائیوں کو گرفتار کرکے مقدمہ درج کر لیا گیا۔