دبئی(سپورٹس ڈیسک)انٹرنیشنل کرکٹ کونسل نے ٹیسٹ کھلاڑیوں کی تازہ رینکنگ جاری کر دی ہے۔ شکست کے بعد مصباح الحق اور سعید اجمل تنزلی کا شکار ہو گئے۔سری لنکن اینجلو میتھیوز 2 درجے ترقی کر کے تیسرے نمبر پر آ گئے۔ بیٹنگ میں پہلی دونوں پوزیشنز کمار سنگا کارا اور اے بی ڈویلیئرز کے پاس ہی ہیں۔ قومی کپتان مصباح الحق 2 درجے تنزلی کے ساتھ دسویں  جبکہ یونس خان بھی تنزلی کا شکار ہو کر ٹاپ ٹین سے باہر ہو گئے ہیں۔ انگلینڈ کے جوئے رْوٹ 5 درجے ترقی کر کے نویں نمبر پر آ گئے۔ بیٹنگ میں سرفراز احمد 29 جبکہ احمد شہزاد نے 11 درجے ترقی کر لی۔ بائولنگ میں رنگنا ہیراتھ تیسرے نمبر پر آ گئے ہیں۔ اجمل ایک درجے تنزلی کے ساتھ نویں نمبر پر چلے گئے ہیں۔