4 خودکشیاں: روزگار نہ ملنے پر نارنگ منڈی میں گریجوایٹ طالبہ نے زندگی ختم کرلی

نارنگ منڈی +فیصل آباد + عارف والا +بھاگٹانوالہ (نامہ نگاران +نمائندہ خصوصی) نارنگ منڈی، فیصل آباد، عارف والا، بھاگٹانوالہ میں گریجوایٹ لڑکی، آٹھویں کے طالب علم ، خاتون اور نوجوان نے زندگی ختم کرلی۔ اندرون شہر نارنگ منڈی میں گریجویٹ طالبہ نے غربت تنگدستی کے باعث روزگارنہ ہونے پر زہر کھا لیا اور دم توڑ گئی، متوفیہ کا والد اللہ دتہ کئی سال سے پراسرار طور پر لاپتہ ہے اور متوفیہ نے ایف ایس سی کے بعد چار سالہ ویٹرنری کورس کر رکھا تھا لیکن ملازمت نہ ملنے پر وہ دلبرداشتہ تھی۔ ذرائع کے مطابق چک نمبر 383گ۔ب جڑانوالہ کی 30 سالہ لبنیٰ کا اپنے شوہر آفتاب سے اکثر گھریلو وجوہات پر جھگڑا رہتا تھا گزشتہ روز ہونے والے جھگڑے پر لبنیٰ نے زہریلی سپرے پی لی۔ عارف والا میں آٹھویں جماعت کے طالب علم نے والدین کی ڈانٹ ڈپٹ سے دلبرداشتہ ہو کر زندگی ختم کرلی۔ نواحی گاؤں ٹھٹھئی کے اکرام نے گھریلو حالات سے دلبرداشتہ ہو کر گندم میں رکھنے والی گولیاں کھا لیں۔ علاوہ ازیں بھاگٹانوالہ کے نواحی چک 25 جنوبی کے موٹر سائیکل مکینک ارشاد عرف شاہ مسیح نے اپنی بیوہ ماہ سے جھگڑنے اور گھریلو ناچاقی پر زہریلی گولیاں کھا لیں