قصور (نمائندہ نوا ئے وقت) پنجاب حکومت نے ڈسٹرکٹ ہسپتال کے میڈیکل سپرنٹنڈنٹ کی مبینہ کرپشن اور ہسپتال میں مریضوں اور شہریوں سے ناروا رویہ پر ایم ایس اشرف جاوید کو ہٹا کر سول سیکریٹریٹ رپورٹ کرنے کی ہدایت کر دی جبکہ صحافیوں پر بے رحمانہ تشدد کی خبریں شائع ہو نے پر ضلعی انتظامیہ کی جانب سے ایم ایس سمیت 4نامعلوم کے خلاف دفعات کے تحت مقدمہ درج کر لیا گیا ۔ قصور سمیت پنجاب کے متعدد شہروں میں صحافی برادری نے ڈسٹر کٹ ہسپتال قصور کے ڈاکٹروں کے ناروا رویہ اور مبینہ کرپشن کے خلاف اپنا احتجاج چوتھے روز بھی جاری رکھتے ہوئے کہا کہ آزادی صحافت پر قدغن لگانے کی سازش ناکام بنا دی جائے گی۔ صحافی برادری سول سوسائٹی اور مختلف تنظیموں نے ڈاکٹروں کی گرفتاری کا مطالبہ کیا۔