لاہور(سپورٹس رپورٹر) پاکستان ہاکی فیڈریشن کے صدر بریگیڈئر (ر) خالد سجاد کھوکھر، سیکرٹری اولمپیئن شہباز احمد سینئر نے عمران خان کو ملک کے 22 ویں وزیر اعظم کا چارج سنبھالنے پر مبارکباد دی۔ اپنے پیغام میں ان کا کہنا تھا کہ خوشی اس بات کی ہے کہ عمران خان ایک لیجنڈ سپورٹس مین کے ساتھ 1992ء کے عالمی کپ کے فاتح کپتان بھی رہے ہیں۔ کھیلوں کو وہ بہتر انداز میں سمجھتے ہیں۔ ایک لمبے عرصے سے پاکستانی کھیلیں مکمل طور پر نظر انداز ہو رہی ہیں۔ امید کرتا ہوں کہ وہ اس شعبہ پر بھی خاص توجہ دینگے۔ ہاکی پاکستان کا قومی کھیل ہے جو آپ کی توجہ کا طالب ہے۔ ایک لمپے عرصے سے پاکستان ہاکی بھی لمپے عرصے سے مشکلات کا شکار چلی آ رہی ہے جس قسم کے اس سے نتائج کی توقع کی جا رہی ہے وہ حاصل نہیں ہو رہے ہیں۔ پاکستان ہاکی فیڈریشن ماضی کی گلوری کو حاصل ک کے لیے سخت محنت کر رہی ہے۔ اس سلسلہ میں فیڈریشن کے پیٹرن انچیف وزیر اعظم پاکستان کی خاص توجہ چاہتے ہیں۔ ان کا کہنا تھا کہ عمران خان کی کامیابی پر انہیں دلی مبارکباد پیش کرتے ہوئے دعا گو ہوں کہ اﷲ تعالٰی آپ کوا مقاصد کے حصول میں کامیاب کرئے۔