شام میں ترک فوجی قافلے پر فضائی حملہ،تین شامی شہری ہلاک،8 زخمی

دمشق ( نیٹ نیوز)ترک حکام کے مطابق شام میں ان کے ایک فوجی قافلے پر فضائی حملہ کیا گیا ہے۔ ترک وزارت دفاع کے مطابق اس حملے میں تین شامی شہری ہلاک جبکہ دیگر آٹھ زخمی ہوئے ہیں۔ یہ ابھی تک واضح نہیں کہ آیا اس حملے کے نتیجے میں کوئی ترک فوجی بھی مارے گئے ہیں۔ یہ فوجی قافلہ شامی صوبے ادلب کی جانب گامزن تھا۔ شام کا یہ علاقہ صدر اسد کے خلاف لڑنے والے باغیوں کے کنٹرول میں ہے۔ زخمیوں کو ہسپتال داخل کرا دیا گیا۔