ساہیوال (نمائندہ نوائے وقت) لے پالک بیٹی نے اپنے خاوند کے ہمراہ اپنی ماں کو زہردیکر قتل کردیا ۔تفصیلات کے مطابق نواحی گائوں 129/9-L میں بھراماں بی بی اپنی لے پالک بیٹی ظاہرہ اور اس کے شوہر ارشد کے ہمراہ رہائش پذیر تھی ۔گزشتہ روز بھراماں بی بی گھرمیں مردہ حالت میں پائی گئی ۔ اطلاع ملنے پر اے ایس آئی عابد حسین لیڈی کانسٹیبل کے ہمراہ موقع پر پہنچا تو بھراماں بی بی کے منہ سے جھاگ نکل رہی تھی اور چہرے کی رنگت تبدیل اورجسم اکڑ چکا تھا ۔ پولیس نے نعش قبضہ میں لیکر پوسٹ مارٹم کیلئے ہسپتال منتقل کردی ۔ پولیس تھانہ ڈیرہ رحیم نے اے ایس آئی عابد حسین کی مدعیت میں ملزم میاں بیوی کے خلاف مقدمہ درج کرکے تفتیش شروع کردی ہے۔