ریسکیو1122 ننکانہ کے عملہ نے سیلابی ریلہ میں پھنسے 2 افراد کو مویشیوں سمیت بچالیا

ننکانہ صاحب(نامہ نگار)ریسکیو1122 ننکانہ کے عملہ نے سیلابی ریلہ میں پھنسے ہوئے دو افراد کو مویشیوں سمیت باہر نکالا۔ڈسٹرکٹ ایمرجنسی آفیسر محمد اکرم پنوار نے بتایا کہ ریسکیو کنٹرول روم میں کال موصول ہوئی کہ دریائے راوی پر عاشق دی ڈھاری کے قریب2 افراد مویشیوں سمیت سیلابی ریلے میں پھنس گئے ہیں ریسکیو کنٹرول نے دریائے راوی پر قائم قریبی ریسکیو اینڈ فلڈ ریلیف کیمپ فرید آباد سے ریسکیو ٹیم کو فوراََ روانہ کیا متاثرہ افراداور مویشیوں کو ریسکیو کر کے محفوظ مقام پر منتقل کر دیا جن میں 35سالہ شاہ جہاں اور 30سالہ طارق شامل ہیں۔