باجوڑ‘ میرانشاہ (نیٹ نیوز + نوائے وقت رپورٹ) خیبر پی کے ضلع مالاکنڈ کے علاقے باجوڑ میں دھماکے کے نتیجے میں 2 پولیس اہلکار شہید ہوگئے۔ ڈسٹرکٹ پولیس آفیسر صمد خان کے مطابق پولیس چیک پوسٹ کے قریب زوردار دھماکہ ہوا‘ جس کے بعد سیکورٹی فورسز نے علاقے کو گھیرے میں لے لیا۔ سرچ آپریشن کیا۔ متاثرہ افراد کو ہسپتال پہنچایا جہاں ڈاکٹرز نے دو پولیس اہلکاروں کی شہادت کی تصدیق کی۔ ادھر میرانشاہ بازار شمالی وزیرستان میں گاڑی پر فائرنگ کی گئی۔ جس سے 3 افراد ہلاک ہو گئے۔ پولیس کے مطابق تحقیقات جاری ہیں۔ گوا کی میں بارودی سرنگ پھٹنے سے 3 بچے زخمی ہو گئے۔