گجرات آمد پر وزیر اعلی پرویزالٰہی کا والہانہ استقبال   گاڑی پر گل پاشی، آتش بازی کا مظاہرہ 

لاہور (نیوز رپورٹر) وزیر اعلیٰ پنجاب چودھری پرویزالٰہی کا گجرات میں ظہور الٰہی پیلس آمد پر شہریوں نے والہانہ استقبال کیا۔ منصب سنبھالنے کے بعد پہلی مرتبہ گجرات میں  وزیر اعلی کی آمد کی اطلاع ملتے ہی لوگ سڑکوں اور گلیوں میں امڈ آئے- ظہور الٰہی پیلس تک ہزاروں شہری ان کے استقبال کے لئے موجود تھے۔شہریوں نے جگہ جگہ وزیر اعلی پرویزالٰہی کی گاڑی پر گل پاشی کی اور آتش بازی کا مظاہرہ بھی کیا گیا۔ شہریوں نے پرویزالٰہی زندہ باد،،،قائد پنجاب زندہ باد کے نعرے لگائے -وزیر اعلی پرویزالٰہی نے ہاتھ ہلا کر شہریوں کے نعروں کا جواب دیا - نوجوان خوشی میں ڈھول کی تھاپ پر روایتی رقص کرتے رہے- وزیر اعلی پرویزالٰہی کے ظہور الہی پیلس پہنچے تو پنڈال نعروں سے گو نج اٹھا- چودھری  پرویزالٰہی کو روایتی پگ بھی پہنائی گئی-وزیر اعلی پرویزالٰہی نے عوام کو روکنے پر سیکورٹی اہلکاروں کو منع کر دیا اور لوگوں کو اپنے پاس بلاتے رہے - نوجوان کارکنوں نے وزیر اعلی پرویزالٰہی کے ساتھ سیلفیاں بنوائیں -