لاہور(نیوزرپورٹر)ایڈیٹر ”پھول“و کالم نگار” نوائے وقت“ محمد شعیب مرزا کی ادبی و صحافتی خدمات پر دی ویمن یونیورسٹی ملتان کی ایم فل کی طالبہ معصومہ بتول نے صدر شعبہ اردو ڈاکٹر شاہدرہ رسول کی نگرانی میں ”محمد شعیب مرزا بطور مدیر ادبی و صحافتی خدمات“ کے عنوان سے تحقیقی مقالہ مکمل کیا ہے۔ مقالہ نہایت محنت سے تحقیق کر کے لکھا گیا ہے جس میں محمد شعیب مرزا کی ادبی و صحافتی خدمات کا احاطہ کیا گیا ہے۔ محمد شعیب مرزا کی ادبی، صحافتی و سماجی خدمات اور پھول کے حوالے سے یہ پانچواں مقالہ ہے۔ اس سے قبل مختلف یونیورسٹیوں میں ایم فل کی سطح کے چار مقالے لکھے جا چکے ہیں جو کہ ایک اعزاز ہے۔ محمد شعیب مرزا نے معصومہ بتول اور ڈاکٹر شاہدہ رسول کا شکریہ ادا کیا ہے جنہوں نے نہایت عرق ریزی سے مقالے کی تکمیل میں دلچسپی لی۔ مختلف شخصیات نے محمد شعیب مرزا کو اس اعزاز پر مبارکباد پیش کی ہے۔