لارڈز ٹیسٹ : جنوبی افریقہ نے انگلینڈ کوبد ترین شکست دیدی 

لاہور(اسپورٹس ڈیسک ) جنوبی افریقہ نے انگلینڈ کو سیریز کے پہلے ٹیسٹ میچ میں اننگز اور 12رنز سے بد ترین شکست دے کر سیریز میں ایک صفر کی برتری حاصل کرلی ۔ لارڈز میں کھیلے گئے میچ میں میزبان انگلش ٹیم دوسری اننگز میں صرف 149رنز پر ڈھیر ہو گئی ۔ الیکس لیرز ‘سٹورٹ براڈ35‘35رنز بناکر نمایاں رہے ۔ انرچ نورے نے تین ‘کاگیسو ربادا‘مارکو جینسین اور کاشیو مہاراج نے دو دو کھلاڑیوں کو آئوٹ کیا ۔ مہمان پروٹیز نے اپنی پہلی اننگز میں 326رنز بنائے تھے ۔ انگلینڈ نے پہلی اننگز میں 165رنز بنائے تھے ۔