ایشیا ٹی ٹونٹی کپ ‘متحدہ عرب امارات نے کوالیفائنگ رائونڈ کیلئے سکواڈ کا اعلان کر دیا 

کراچی(اسپورٹس رپورٹر)یو اے ای نے سی پی رضوان کو اپنا نیا ٹی ٹونٹی کپتان مقرر کر دیا ہے۔ مڈل آرڈر بیٹر نے بائیں ہاتھ کے سپنر احمد رضا کی ذمہ داری سنبھالی ہے، جو ون ڈے میں ٹیم کی قیادت کرتے رہیں گے۔رضوان کی پہلی اسائنمنٹ ایشیا کپ کوالیفائر ہو گی جو 20 سے 24 اگست تک امارات میں ہوگا۔ امارات کوالیفائر میں حصہ لینے والی چار ٹیموں میں شامل ہے، جہاں سے فاتح 27 اگست سے متحدہ عرب امارات میں شروع ہونے والے اہم ٹورنامنٹ میں مکمل ممبران افغانستان، بنگلہ دیش، بھارت، پاکستان اور سری لنکا کیساتھ شامل ہوگا۔ایشیا کپ کوالیفائر کیلئے متحدہ عرب امارات کی ٹیم میں سی پی رضوان (کپتان)، چراغ سوری، محمد وسیم، وریتیا اروند، احمد رضا، باسل حمید، روحان مصطفی، کاشف داؤد، کارتک میپن، ظہور خان، زوار فرید، عالیشان شرافو، صابر علی، آریان لکڑہ، سلطان احمد، جنید صدیق، فہد نوازشامل ہیں ۔