بارش متاثرین نےوزیراعلی سندھ کی گاڑی کا گھیراو کرلیا

ٹنڈو محمد خان میں بارش متاثرین نے وزیر اعلیٰ سندھ مراد علی شاہ کی گاڑی کے سامنے احتجاج کیا اور ان کی گاڑی کا گھیراؤ کرلیا۔ متاثرین کے ساتھ وزیر اعلیٰ سندھ پروٹوکول افسر نے ہاتھا پائی کی۔متاثرین نے مراد علی شاہ کو گاڑی سے اترنے ہی نہیں دیا۔ واقعہ پیپلز پارٹی کے رہنما نوید قمر کے گھر کے باہر پیش آیا۔ اے آر وائی نیوز کا کیمرا بھی چھیننے کی کوشش گئی۔بارش متاثرین کی جانب سے گھیراؤ کرنے کے فوری بعد پولیس کی نفری طلب کرلی گئی۔نوید قمر کے بندوں کے رویے پر صحافیوں نے وزیر اعلیٰ سندھ کی کوریج سے بائیکاٹ کر دیا۔ صوبائی وزیر ناصر حسین شاہ اور قاسم نوید نے گاڑی سے اتر کر صحافیوں سے معذرت کی۔