9 مئی اور جڑانوالہ سانحات کے ذمہ داروں کونشان عبرت بنایا جائے:اشرف بھٹی

لاہور(نامہ نگار)پاکستان پیپلز پارٹی لاہور کے سینئر نائب صدر محمد اشرف بھٹی نے کہا ہے کہ پاک فوج ہمارا اثاثہ ہے۔جس کی وجہ سے ہم سب راتوں کواپنے گھروں میں سکون کی نیند سوتے ہیں۔ایک جماعت کے کارکنوں نے سیاسی جماعت کا لبادہ اوڑھ کر جو کچھ جناح ہاو¿س میں کیا اس کو دیکھ کر سر شرم سے جھک جاتا ہے۔9 مئی اور سانحہ جڑانوالہ دونوں سانحہ کے ملزمان کو نہ صرف قرار واقعی سزا دی جائے بلکہ جو لوگ بھی ان واقعات میں ملوث ہیں انکو نشان عبرت بنا دیا جائے۔ نفرت کے جذبات ابھارنا ملک کے لئے نیک شگون نہیں،پاکستان کو کمزور کرنے کی ملک دشمن عناصر کی ہر سازش ناکام ہوگی۔ایک شخص نے ایک سیاسی جماعت کا لیڈر بن کر اس قدر نفرت کی بیج بوئے اور اس قدر نوجوانوں کے دماغوں میں زہر گھولنے کی کوشش کی۔ یہ سیدھے سادھے نوجوان اس شخص کی باتوں میں آکر بھٹک گئے۔