جدہ(این این آئی)سعودی عرب میں پلاسٹک کی چادر سے بنی ایک دیوار نے گینز بک آف ریکارڈز میں اپنا نام داخل کرا لیا ہے۔ غیرملکی خبررساں ادارے کے مطابق یہ دیوار جدہ میونسپلٹی نے 383 مربع میٹر کے رقبے پر بنائی ہے۔ جدہ میونسپلٹی کے رضاکاروں نے دیوار کی تعمیر کی اور اس کو بنانے میں 8 ماہ لگے۔ پینٹنگ سے مزین اس دیوار میں 4 لاکھ پلاسٹک کی چادریں استعمال کی گئی ہیں۔جدہ کی میونسپلٹی نے نے اپنے ایک بیان میں کہا کہ سال 2023 کے لیے پلاسٹک کی چادر سے بنی دنیا کی سب سے بڑی دیوار کو سپانسر کرکے ایک ریکارڈ قائم کیا گیا ہے۔ اس دیوار کو ماہر ماحولیات خلود الفضلی نے تعمیر کرایا اور گنیز بک آف ریکارڈز میں نام درج کرایا ہے۔ یہ دیوار سیکرٹریٹ میں سماجی ذمہ داری کی جنرل ایڈمنسٹریشن کے اقدامات کے سلسلہ کی ہی ایک کڑی ہے۔