لاہور (کامرس رپورٹر) رنگوں، کیمیکلز اور متعلقہ شعبوں کیلئے پاکستان کی معروف نمائش، نویں کلر اینڈ کیم ایکسپو 24 اگست  سے لاہور انٹرنیشنل ایکسپو سینٹر میں شروع ہو گی۔ نمائش میں 300 سے زائد کمپنیاں شریک ہو رہی ہیں جو رنگوں، کیمیکلز اور اس سے منسلک صنعتوں میں اعلی مقام رکھتی ہیں۔ ایکسپو میں چین، ملائیشیا، ترکی اور ایران کی کمپنیاں اور ان کے نمائندے بھی شرکت کر رہے ہیں۔ نمائش کا انعقاد ایونٹ اینڈ کانفرنس انٹرنیشنل، رینبو گروپ اور پنجاب ڈائز اینڈ کیمیکل مرچنٹس ایسوسی ایشن کی جانب سے کیا جارہا ہے۔  نمائش کے کنوینر عبدالرحیم چغتائی نے بتایا کہ کلر تقریب کا افتتاح وفاقی وزیر صنعت رانا تنویر حسین کریں گے۔ دیگر مہمانوں میں الطاف اے غفار سینئر نائب صدر، کراچی چیمبر آف کامرس اینڈ انڈسٹری (KCCI)، محمد صلاح الدین، سیکریٹری جنرل، پاکستان چائنا جوائنٹ چیمبر آف کامرس اینڈ انڈسٹری اور دیگر شامل ہیں۔