ٹریفک حادثات‘ 6 افراد چلاس‘ آٹھ گھوٹکی میں جاں بحق

چلاس+ گھوٹکی (این این آئی+ نوائے وقت رپورٹ) چلاس میں تھور کے مقام پر گاڑی کھائی میں جا گری جس سے 6 افراد جاں بحق اور زخمی ہوگئے۔  زخمیوں کو پولیس اور ریسکیو اہلکاروں نے آر ایچ کیو ہسپتال چلاس منتقل کر دیا۔ گاڑی میں 8 مزدور سوار تھے، جو دیامر بھاشا ڈیم سائٹ پر مزدوری کرنے جا رہے تھے۔ دریں اثناء گھوٹکی میں اوباڑو کے قریب بس اور ٹرالر کے درمیان خوفناک تصادم میں 8 مسافر جاں بحق جبکہ 7 زخمی ہوگئے۔ موٹر وے پولیس کے مطابق حادثے کا شکار مسافر بس پنجاب سے کراچی جا رہی تھی کہ گھوٹکی میں اوباڑو کے قریب موٹر وے ایم فائیو پر حادثہ پیش آیا۔ جاں بحق افراد میں 2 خواتین اور دو بچے بھی شامل ہیں۔