نوشہرہ ورکاں(نامہ نگار)گیپکو اہلکاروں کی نااہلی،گاؤں تین روزسے بجلی سے محروم،بتایاگیاہے کہ نواحی گاؤں عابد آباد کا ٹرانسفارمر سترہ اگست کو علی الصبح خراب ہوا اور گاؤں کے اڑھائی سو سے زائد گھروں کی بجلی کی سپلائی معطل ہوگئی گیپکو اہلکار ٹرانسفارمر اتار کرلے گئے لیکن تین روز گزرنے کے بعد بھی ٹرانسفارمر نصب نہ ہونے کے باعث بجلی بحال نہ ہوسکی اہل دیہہ محمد افضل،شوکت،ابدال اور محمد اکرم وغیرہ کاکہناتھاکہ ایکسئین گیپکو اور ایس ڈی او باربار رابطہ کرنے پر جلد ٹرانسفارمر لگنے کی یقین دہانی کرواتے رہے لیکن تین روز گزرنے کے بعد بھی ٹرانسفارمر نہ لگ سکا بجلی بند ہونے سے شدید مشکلات کا سامنا ہے اہل دیہہ نے گیپکو حکام سے فوری بجلی کی بحالی کامطالبہ کیا ہے۔