ون یو نٹی گروپ کی نیت صاف اور ارادے نیک ہیں:اخلاق بٹ

گوجرانوالہ(نمائندہ خصوصی )ون یونٹی گروپ کے قائدین اخلاق بٹ ،شیخ نسیم ،خواجہ ضرار کلیم ،ملک ظہیر الحق ،خواجہ خا لد حسن ،رانا شہزاد حفیظ،محمد شعیب بٹ ،عرفان سہیل ،سعید تاج ،حا جی شکیل ،میاں وقار ،اعظم بھٹہ،جمشید ایوب بٹ ،صدیق بھٹی نعمان صلا ح الدین ،عمر اشرف ودیگر نے کہا ہے کہ ون یو نٹی گروپ کی نیت صاف ، ارادے نیک ہیں اور منشور خدمت کا جذبہ ہے ہماراجینا مرنا کا روباری برادری کے سا تھ ہے، مخا لفین کی سوچ صرف عہدوں کے حصول تک محدود ہے جن کے پاس کا روباری برادری کی ترقی اور مسائل کے حل کا کو ئی ایجنڈا نہیں، صنعتکار اور تاجر کمیو نٹی مفاد پر ست ٹولے کو بخو بی سمجھ چکی ہے جس کے باعث وہ بوکھلا ہٹ کا شکار ہو کر الزام تراشی اور دعوئوں کی سیا ست پر اتر آئے ہیں تمام تر ہتھکنڈوں کے باوجود ون یونٹی گروپ کے امیدوار معزز ممبران کے ووٹ کی طاقت سے سازشی ٹولے کی ضمانتیں ضبط کر وائیں گے۔