جنرل ساحرشمشاد مرزا نے ارشد ندیم کے جذبے اورمحنت کوبھی خراج تحسین پیش کیا: آئی ایس پی آر

ترجمان پاک فوج کے مطابق جنرل ساحر شمشاد مرزا سے ارشد ندیم نے ملاقات کی ہے۔ پاک فوج کے شعبہ برائے تعلقاتِ عامہ آئی ایس پی آر کے مطابق اولمپک گولڈ میڈلسٹ ارشدندیم جوائنٹ اسٹاف ہیڈ کوارٹرز پہنچے جہاں انھوں نے جنرل ساحر شمشاد مرزا سے ملاقات کی۔آئی ایس پی آر کے مطابق چیئرمین سی جے سی ایس سی نے ارشد ندیم کی کامیابیو ں کو سراہا۔ جنرل ساحرشمشاد مرزا نے اہم سنگ میل عبورکرنے پرارشدندیم کی تعریف کی۔آئی ایس پی آر کا کہنا ہے کہ ملاقات کے دوران جنرل ساحرشمشاد مرزا نے ارشد ندیم کے جذبے اورمحنت کوبھی خراج تحسین پیش کیا۔