ایل پی جی کی قیمتوں میں 10 روپے فی کلواضافہ کردیا گیا

ایل پی جی ڈسٹری بیوٹر ایسوسی ایسن کے مطابق مارکیٹنگ کمپینوں کی طرف سے اضافے کے بعد گھریلوسلنڈرکی قیمت میں سو روپے اورکمرشل سلنڈرکی قیمت میں چارروپے کا اضافہ ہوگیا جبکہ گلگت میں ایل پی جی کی فی کلو قیمت دوسوپچیس روپے، ناران کاغان میں دوسو دس روپے، بالا کوٹ نتھیا گلی اورباغ میں ایک سونوے روپے ہوگئی ہے۔ اسلام آباد، مری، ڈی جی خان اورکشمورمیں ایل پی جی کی قیمت ایک سواسی روپے، ملتان بہاولپور صادق آباد، مانسہرہ، سوات، پشاور، ہری پور،گجرات، جہلم اوربھیرہ میں ایک سوپچھترروپے ہوگئی۔ سیالکوٹ، ڈسکہ، سرگودھا، فیصل آباد ساہیوال، اوکاڑہ، شیخوپورہ اورقصورمیں ایک سوپینسٹھ لاہوراورگجرانوالہ میں ایک سوساٹھ روپے فی کلوتک جا پہنچی۔ ایل پی جی ڈسٹری بیوٹرایسوسی ایشن کے چیئرمین عرفان کھوکھرکے مطابق قیمتوں میں اضافہ بلاجوازہے اگراسے واپس نہ لیا گیا توڈسٹری بیوٹرزاسکے خلاف احتجاج کرینگے۔