ماڑي پور کے علاقے ميں سي آئي ڈي پوليس کے انسداد دہشت گردي سيل نے کارروائي کي،، ملزمان کی فائرنگ کے نتیجے میں جوابی فائرنگ کی گئی۔ مقابلے ميں دو دہشت گرد شديد زخمي ہو گئے جو اسپتال لے جاتے ہوئے دم توڑ گئے۔ پوليس کے مطابق ہلاک ہونے والے دہشت گردوں کا تعلق کالعدم تحريک طالبان کے خان زمان گروپ سے تھا۔ ملزمان کے قبضے سے اسلحہ اور ديگر سامان بھي برآمد ہوا ہے۔ دوسری جانب گھگھر پھاٹک کے علاقے ميں رينجرز نے ٹارگٹڈ آپريشن کيا جس کے دوران رينجرز اور دہشت گردوں کے درميان فائرنگ کا تبادلہ ہوا۔ مقابلے میں کالعدم تنظيم کے تين دہشت گرد مارے گئے۔ ہلاک شدگان کے قبضے سے اسلحہ بھي برآمد ہوا ہے۔ادھر لياري ميں نيازي چوک کے علاقے ميں رينجرز اور پوليس نے مشترکہ کارروائي کی ،، جس پر ملزمان نے فائرنگ شروع کر دي۔ پوليس اور رينجرز نے جوابي کارروائي کرتے ہوئے لياري گينگ وار کے عزير جان بلوچ گروپ کے دو کارندوں سلمان اور طاہر کو ہلاک کر دیا۔ ملزمان کے قبضے سے اسلحہ، منشیات اور دیگر سامان برآمد کیا گیا ہے۔